ஊழியர் சேமலாப நிதியச் சட்டத்தின் பிரிவு 5(1) உ இன் நியதிகளில்> நாணயச் சபை இச்சட்டத்தின் நோக்கங்களுக்கு உடனடியாக தேவைப்படாத நிதியத்தின் பணத்தினை சபை பொருத்தமானது எனக் கருதுகின்றவாறான அத்தகைய பிணையங்களில் முதலீடு செய்யவும் அத்தகைய பிணைகளை விற்றுவிடவும் முடியும். இதற்கிணங்க> ஊழியர் சேமலாப நிதியங்கள் நிதியத்தின் முன்மதி மற்றும் புத்தாக்க முகாமைத்துவத்தினூடாக உறுப்பினர்களுக்கு உயர்ந்தபட்ச ஓய்வுகால நன்மைகளை வழங்கும் நோக்குடன் முதலீடுசெய்யப்படுகின்றன.

நிதிய முகாமைத்துவம்

நிதியத்தின் மொத்த முதலீட்டு சொத்துப்பட்டியல் (ஏட்டுப் பெறுமதி) 2021 இறுதியில் பதிவுசெய்யப்பட்ட ரூ.3>173.3 பில்லியனிலிருந்து 2022 இறுதியில் ரூ.3>466.5 பில்லியனுக்கு 9.2 சதவீதத்தினால் வளர்ச்சியடைந்திருக்கிறது. 2022 இறுதியிலுள்ளவாறு முதலீட்டுச் சொத்துப்பட்டிய் 96.9 சதவீதம் கொண்ட அரச பிணையங்களையும் 2.3 சதவீதம் கொண்ட பங்குடமை மூலதனங்களையும் 0.7 சதவீதம் கொண்ட கூட்டாண்மைத் தொகுதிக் கடன்களையும் உள்ளடக்கியிருக்கியிருந்ததுடன் எஞ்சிய 0.1 சதவீதம் நேர்மாற்று மீள்கொள்வனவு உடன்படிக்கைகளில் (அட்டவணை 1)

அட்டவணை 1: முதலீட்டுச் சொத்துப்பட்டியல்

2022 காலப்பகுதியில் நிதியத்தின் மொத்த முதலீட்டு வருமானம் ரூ.315.9 பில்லியனாகக் காணப்பட்டது (அட்டவணை 2). வட்டி வருமானம் நிதியத்தின் முக்கிய வருமான மூலமாக காணப்படுவதுடன் இது 2021இன் ரூ.293.7 பில்லியனிலிருந்து 2022இல் ரூ.349.3 பில்லியனுக்கு 18.9 சதவீதத்தினால் வளர்ச்சியடைந்தது. பங்குரிமை மூலதன சொத்துப்பட்டியலிருந்து பெறப்பட்ட பங்குலாப வருமானம் 2021இல் ஈட்டப்பட்ட ரூ.6>685.5 மில்லியனுடன் ஒப்பிடுகையில் 2022இல் ரூ.7>527.8 மில்லியனுக்கு 12.6 சதவீதத்தினால் அதிகரித்தது.

அட்டவணை 2: முதலீடுகள் மீதான வருமானம்

2021 இறுதியில் உள்ளவாறு விளைவு வீதங்களுடன் சேர்ந்த அரச பிணையங்கள் சொத்துப்ப்டியலின் முதிர்ச்சித் தோற்றப்பாடு அட்டவணை 3இல் தரப்பட்டுள்ளது.

அட்டவணை 3: அரச பிணையங்கள் சொத்துப்பட்டியலின் முதிர்ச்சித் தோற்றப்பாடு

நிதியத்தின் ஒட்டுமொத்த வருமானம்

நிதியம் மொத்த வருமானமாக 2022இல் ரூ.316.2 பில்லியனை ஈட்டிக்கொண்டது (அட்டவணை 4). தொழிற்பாட்டுச் செலவினம் மற்றும் வரிச் செலவினம் என்பனவற்றிற்காக சீராக்கம் செய்யப்பட்ட பின்னர் 2022இல் ஆண்டிற்கான தேறிய இலாபம் ரூ.264.1 பில்லியனாகக் காணப்பட்டது. இது> 2021 உடன் ஒப்பிடுகையில் 11.7 சதவீதம் கொண்டதொரு வீழ்ச்சியாகும். ஊழியர் சேமலாப நிதியம் சராசரி முதலீட்டின் மீது 2022இல் 9.51 சதவீதம் கொண்ட வருமானத்தினை ஈட்டக்கூடியதாக இருந்த வேளையில் தொழிற்பாட்டு செலவினங்களை 2022இல் 0.48 சதவீதம் கொண்ட மொத்த வருமான விகிதத்தில் பேணக்கூடியதாக இருந்தது.
2018 ஏப்பிறல் 01 இலிருந்து நடைமுறைக்குவந்த 2017ஆம் ஆண்டின் 24ஆம் இலக்க உண்ணாட்டரசிறைச் சட்டம் அறிமுகப்படுத்தப்பட்டதுடன் நிதியத்திற்கு பிரயோகிக்கத்தக்க வருமான வரி வீதம் 10 சதவீதத்திலிருந்து 14 சதவீதத்திற்கு அதிகரித்தது. 2022 ஒத்தோபரிலிருந்து 2022 திசெம்பர் 31 வரையான காலப்பகுதியில் வதிவோரினால் பெறப்பட்ட அல்லது அடையப்பட்ட பங்குதாரர்களுக்குப் பிரயோகிக்கத்தக்க வருமான வரி வீதம் 15 சதவீதமாகும். 2022இல் வரிச் செலவினம் ரூ.49>982 மில்லியனுக்கு அதிகரித்தது. இது 2021 இன் ரூ.41>657 மில்லியனுடன் ஒப்பிடுகையில் 20.0 சதவீதம் கொண்டதொரு அதிகரிப்பாகும்.
இதன்படி> ஊழியர் சேமலாப நிதியம் 2022இல் உறுப்பினர் நிலுவைகளின் மீது 9.00 சதவீதம் கொண்ட வட்டி வீதமொன்றினை பிரகடனப்படுத்துவதற்கான வழிமுறைகளை எடுத்திருந்தது.
கீழேயுள்ள அட்டவணை 4> கடந்த ஐந்தாண்டுகளுக்கான நிதியத்தின் செயலாற்றக் குறிகாட்டிகளின் தொகுப்பினை எடுத்துக்காட்டுகிறது.

அட்டவணை 4: ஊழியர் சேமலாப நிதியத்தின் முக்கிய செயலாற்றத்தின் ஐந்தாண்டுத் தொகுப்பு