ඔබගේ සේවක අර්ථසාධක අරමුදල් දායක මුදල් විස්තර වාර්තා සහ ශේෂ තහවුරු කිරීමේ ලිපි දැන් එකම ස්ථානයකින් ලබා ගත හැකිය

ප්‍රකාශන නිකුත් කිරීමේ සේවාව

සාමාජිකයින්ගේ පහසුව වැඩිදියුණු කිරීම සඳහා, සේවක අර්ථසාධක අරමුදල් (EPF) දෙපාර්තමේන්තුව විසින් දායක මුදල් විස්තර වාර්තාව සහ ශේෂ ප්‍රකාශන එකම ක්‍රියාවලියක් මඟින් ඉල්ලුම් කිරීමට හැකියාව සලසා දී ඇත.

ප්‍රකාශන වර්ගය විස්තරය
දායක මුදල් විස්තර වාර්තාව සාමාජික ගිණුමට දායක මුදල් බැර වී ඇති කාල පරිච්ඡේද සහ එම කාල පරිච්ඡේද සඳහා බැර වී ඇති දායක මුදල ඇතුළත් වේ. එමගින් සේවායෝජකයා විසින් යොමු කර ඇති දායක මුදල් නිවැරදි ද යන්න තහවුරු කර ගත හැකිය.
ශේෂ තහවුරු කිරීමේ ලිපිය නිශ්චිත දිනයකට අදාළව ගිණුමේ මුළු ශේෂය සඳහන් වේ.

මෙම සේවාවන් වෙත ප්‍රවේශ වන්නේ කෙසේද

1. ඩිජිටල් අයදුම්පත (නිර්දේශිත ක්‍රමය)
කඩිනමින් සේවා සැපයීම සඳහා ස්කෑන් කළ ලේඛන විද්‍යුත් තැපෑල මගින් යොමු කරන්න
විද්‍යුත් තැපෑල : epfsts@cbsl.lk
2. සේවා කවුන්ටරය
ප්‍රකාශන නිකුත් කිරීමේ විශේෂිත කවුන්ටරය වෙත පැමිණ සේවා ලබා ගැනීම
වයිටවේස් ගොඩනැගිල්ල, අංක 25, සර් බාරොන් ජයතිලක මාවත, කොළඹ 01
දුරකථන අංකය: 0112206690 / 91 / 92

අවශ්‍ය ලේඛන

  • වාර්තාව සඳහා නිවැරදිව පුරවා ඇති අයදුම්පත්‍රය.
  • ජාතික හැඳුනුම්පතෙහි (NIC) පැහැදිලි පිටපත.
  • EPF B-කාඩ්පත් පිටපත.
  • වීසා (VISA) සහ නිපුණතා සනාථ කිරීම (Skill Verification) සඳහා පමණක් ගුවන් ගමන් බලපත්‍රයෙහි මූලික පිටුවෙහි පිටපත

අයදුම්පත්‍ර බාගත කිරීම

කරුණාකර අදාළ අයදුම්පත් බාගත කර, නිවැරදිව සම්පූර්ණ කර අවශ්‍ය කරන ලේඛන අමුණා ඉදිරිපත් කරන්න.

සටහන: සම්පූර්ණ කරන ලද ආකෘතිය සමඟ ඔබේ ජාතික හැඳුනුම්පත්‍රය සහ බී-කාඩ්පත්‍රයේ පිටපතක් එක් කර ඇති බව තහවුරු කරන්න.